這是一則廣告 / This is a commercial (無需打開!)

 先向組長大大叩頭謝罪,未經批準就在此塗鴉。組長海量望不會和我小輩一般見識, 我保證這是第一次, 同時也是最後一次打攪貴組, 下不違例。
 本廣告對向主要是香港人士, 外地人士可以不理。
 如果你在其他群組得見同一名稱的新題目, 內容基本一致, 您真的可以不理。
 如果你看到這裏,證明你是個無聊又八掛的人,那麼請你繼續把它讀完,以保持您個性的完整。我對您的包含與支持鞠躬致謝。

我要推銷的是一個在香港地區進行的「漂書計劃」,相信有部分香港帳戶曾收過我的單獨邀請。篇幅所限我無法詳細解釋,借此機會說明一下。

漂書是六十年代起始於西方的概念,至千禧年後有美國人利用互聯網功能把這個概念進一步發揚光大,成立國際漂書組織。我們,跟他們沒有直接關係,但受其啟發而生成此信。有興趣了解更多可以自己去查維基。

漂書/圖書漂流,用白話講就是:”你唔愛本書唔好o徒左佢,畀第二個睇嘛。”通俗地講,可以這麼理解。但又不僅僅限於這麼理解。漂書可以是一種社會風氣的改造運動;可以是一種生活態度,就像你會把膠樽、廢紙、鋁罐拿去街邊的回收箱而唔係隨便丟進垃圾箱;是一種社會責任;是一種施的慈愛;是一種授的包容;是一種生命(如果您可以理解書也有生命的話)的傳承和養育;是一種身體力行的德教;是日漸冷漠化城市人際關係的暖手包…。我們把它濃縮成兩條願景,四點使命,當然這是high玩,如果你只求hea玩,明白本段第一句就行。
願景：
分享弗邊界，讀者有其書。
使命：
1) 推動閱讀風氣
2) 追逐資源利用極大化
3) 激活死書
4) 促進社會信任度

講點兒功利的,在香港這樣的功利社會,不這樣講物品是很難賣出去的。

您問：“甚麼要加入這個計劃,有甚麼Jetso?”身為(未折前的)市場銷售部主管,我當然准備左令你滿意的答案啦。
1. 睇書唔駛錢! 唔係電子書喎, 係有紙有字唔駛用電一本本果D喎。 如果有啱你心水的書種, 全部免費攞番去睇(注:同一時間限三本)

2. 得書唔駛錢! 呢位師奶問:”咁睇完駛唔駛畀返你架?” 妳估係圖書館咩, 如果妳想留, 咪自己留囉, 我地都係想幫D書搵個好主人, 搵頭好住家啫! (注: 但如果有其他書友想睇, 都建議你可以接受的情況下, 借下畀人睇啦, 但呢D情況其實好少。)

3. 收書唔駛你內疚。有D書你又唔會睇,丟左又唔捨得,香港地寸土尺金,年終畀貴租是少,阻住閣下D新歡(書)入伙同居呢條罪先係罪大惡極! 已家唔駛你煩,可以幫你拿拿聲去晒D舊菜,等你同新歡HAPPY TOGETHER,最緊要係你唔駛有任何心理上的內疚感嘛,對於D假仁假義(唔係,係有情有義)的書人,了卻晒你後顧之憂啦。試過有組友2個月唔駛去左12本書呢,諗下,12本書都起碼佔8寸寬的書架位架,都咪話唔SO。

4. 齊人之福。 呢點係指你可以上下其手,當食Kinda出奇蛋,一次過滿足你三個願望(1~3點)

5. 市場調整。 有志投身書業的人士,想知道香港人睇咩書,咩書唔會keep,男人同女人口味有咩唔同,平均睇一本書幾耐…。。etc etc, 你唔駛漂書,睇下d人的行為會幫助你明白更多圖書市場的需求同口味。

6. 純粹八掛。呢點香港人最鍾意不過,邊有唔八既香港人架?睇下邊D書友放D咩書出黎,又邊D書友執左番去,邊個high,邊個cheap,邊個有怪癖邊個鍾意扮嘢,簡直係八掛雜誌真人show。

7. 支持下D小眾運動。我明白我明白,呢味嘢你唔啱,你唔會做,你亦唔貪甚麼甚麼小便宜,我通通都明白。但可唔可以係你每日做的100件有功有利,有回有報的事之外,做番一件係冇係求一種因果關係的呢？如果你覺得呢個世界多元係會靚D,有D人做下D同你唔同的事亦唔係一件壞事,那麼你亦可以show你既support,加入個組。跟住你有你既天空,我地有我地既海洋,或者某日係路上遇到,大家say聲high。Okay嗎?唔Okay,睇黎幾米未必係嘩眾取寵呢。

黎講下咩係”我地”:
組名: 香江漂書「愛樂畀」"Read me, free me!" http://www.anobii.com/groups/01ea79bd7510318217/
組員: 172名(至21.11.2008, 開組第51天後)
漂書: 310本+
另外我地有兩個附屬小組,分別係:
香江漂書「愛樂畀」之 新手上路 (畀新人了解整套運作: http://www.anobii.com/groups/014c4a8d66d75d6067/

香江漂書「愛樂畀」討論專區 http://www.anobii.com/groups/01dac83e89501536fa/

整套計劃的BETA版運作了50多日後,主要的問題已相繼被一一解決,目前的運作算不上完美但可以話係絕對可行。 其間有14位組友成功放漂,流通書量達40本次。因此我可以說這是一套驗證可行的方案,並誠邀您的參加。

對此廣告有任何意見或問題想要發表, 請前往: http://www.anobii.com/anobi/forum_thread.php?tid=34253#…

留言。 千萬不要在此留言,不要再打攪這個組原本的運作吧。

謝謝把這篇廣告全部看完的人,你們是最棒的！